Wikien Språk er ein nettstad for presentasjonar av og debatt om språk og språkbruk, særleg norsk språk.

Nye artiklar bør skrivast på norsk. På debattsidene kan alle språk nyttast.

Det er spanande å sjå språk utvikla seg. På denne nettstaden kan alle som ynskjer å delta i debatten, skildra fenomen og trendar dei observerer i språk dei høyrer til dagleg, eller presentera sine eigne språkprosjekt. Her kan språkinteresserte nordmenn òg diskutera så tastaturet går varmt, halda meiningsmålingar, planleggja treff, samarbeida om utgjevingar og anna, kort sagt boltra seg fritt!

Er kj-lyden på veg ut av norsk? Har stum d og stum h i norsk skriftspråk utspelt sine roller? Har norsk livets rett i høgare utdanning (eller skal alt over på engelsk etter kvart)?